ROXAS CITY – Ginapanindugan sang isa ka waitress nga wala sang kamatuoran nga ginabugaw sila ni Mr. Jonifer Panes alyas Gester Ledesma sa mga customer sang Junemil KTV Bar nga nahamtang sa Arellano Street, Barangay 3, Roxas City.
Suno kay Alyas Anne nga mabuot nga klase sang tawo si Panes rason nga iya ginpanindugan nga wala sang kamatuoran ang mga alegasyon ni Alyas Che-Che.
Ginpahayag pa sini nga ginasagod sila ni Panes sa tion nga wala sila sang kwarta rason nga nagapati ini nga wala sang salabton Ang nasambit nga recruiter.
Gindugang pa sini nga 10 sila nga nagatrabaho bilang waitress sa nasambit nga KTV Bar si Alyas Che-Che lamang ang nagapatake-out sa mga customers nila bangud kag sila ang nagasabay lamang inom sa mga customers agud magdako ang ila nga sweldo.
Ginpanindugan ni Alyas Anne nga bastante na sila sa ila nga kita bilang isa ka waitress rason nga wala sila nagapasugot nga mag-upod sa ila customer kun sa diin pa magkadto.
Bangud diri, nagapanawagan si Alyas Anne sa kay Alyas Che-Che nga kun mahimo isugid lamang sini kun ano ang matuod sa mga otoridad.
Matandaan nga gin-aresto si Panes sang tinalikdan nga adlaw matapos ginreklamo ni Alyas Che-Che nga ginabugaw ini sa ila nga mga customers sa nasambit nga KTV Bar.
