Isa ang patay kag walo ang pilason sa nagluntad nga aksidente sa tunga sang pick-up nga salakyan kag trycicle sa Brgy. Anhawon, Panay, Capiz.
Ang biktima amo ang si “alyas john” 24-anyos kag residente sang banwa sang President Roxas.
Sa interview sang Bombo Radyo kay Police Staff Sergeant Jesan Cantonjos, Imbestigador sang Panay Municipal Police Station,iya ginpahayag nga padulong kuntani sa banwa sang President Roxas ang pick-up sang hinali lang naglupok ang royda rason nga nadulaan ini sang kontrol kag nalab-ot ang naga-park nga tricycle sa lugar.
Suno kay Cantonjos, nagbaliskad gid ang pick-up bangud sa mabaskog nga impact.
Nagpanugyan man ang natungdan sa mga motorista nga mag halong gid sa pagmaneho agud nga malikawan ang mga aksidente sa dalan.
