Gin-anunsyo sang Islamic Revolutionary Guard Corps (IRGC) sang Iran nga ginadumilian na ang tanan nga shipping nga pakadto kag halin sa mga pantalan sang mga kaalyado kag nagasuporta sa Estados Unidos kag Israel nga maglabay sa bisan ano nga ruta, lakip na ang Strait of Hormuz.
Suno sa IRGC, ginakabig na nga “closed” ang Strait of Hormuz kag ang bisan ano nga barko ang magtinguha maglabay sa nasambit nga ruta ang magapangatubang sang “harsh measures.”
Dugang pa sini, tatlo ka container ships gikan sa nagkalain-lain nga pungsod ang ginpabalik matapos ginpaandaman sang naval forces.
Ini nga tikang ang kabahin sang nagapadayon nga tensyon sa tunga sang Iran batok sa Estados Unidos sang Amerika kag Israel, nga nakaapekto man sa gobal shipping kag supply sang langis, bangod ang Strait of Hormuz isa sa pinaka-importante nga alagyan kun sa diin 20% sang oil supply sang langis sa kalibutan ang ginabyge sa nasambit nga ruta.
