Gin-aprubahan na sang Security Cabinet sang Israel ang plano ni Prime Minister Benjamin Netanyahu nga sakupon ang Gaza City, suno sa pahayag sang iya opisina sang Biyernes, Agosto 8, 2025.
Ang desisyon ginhimo sa pihak sang nagalala nga humanitarian crisis sa Gaza kag nagadamo nga pagpamatok sang publiko sa sulod mismo sang Israel.
Suno sa report, ang plano gin-aprubahan man sang bug-os nga gabinete, bisan pa nga wala pa sang opisyal nga detalye nga ginpaguwa nahanungod sa sinapol.
Dugang pa, ang Israel nagplastar man sang lima ka panguna nga mga prinsipyo para sa pagtapos sang inaway sa Gaza pareho sang pagdisarma sang Hamas, pagbalik sang tanan nga mga bihag — patay man ukon buhi, kompleto nga pagsakop sang Gaza, pagbutang sang mga pwersa sang seguridad sang Israel sa Gaza, kag pagtukod sang isa ka bag-o nga sibilyan nga gobyerno nga indi gikan sa Hamas ukon sa Palestinian Authority.
