Nagpaguwa sang arrest warrant ang Istanbul Chief Prosecutor’s Office batok sa mga mataas nga opisyal sang Israel.
Lakip diri ang pagdakop kay Israeli Prime Minister Benjamin Netanyahu, Defense Minister Israel Katz kag madamo pa nga mga opisyal.
Nagapangatubang sila sang kaso nga crime against humanity kag genocide sa Gaza.
Ang nasambit nga kaso naga-alegar sang mga pag-atake sang Israel military sa mga sibilyan, mga ospital, kag pagguba sang mga imprastraktura sa Gaza halin sang ila pag-atake sang Oktubre 2023.
Ginsuspender man sang Turkey ang ila diplomatic kag trade relations sa Israel bangud sa kinagamo.
Madumduman nga ang International Criminal Court nagpaguwa man sang mga arrest warrant sang Nobyembre 2024 batok kay Netanyahu kag sa anay Defense Minister nga si Yoav Gallant bangud sa war crimes.
