ROXAS CITY – Personal nga nagpadulong sa istasyon sang Roxas City PNP ang isa jailguard agud ipabalhag ang insidente nga pagpamahog batuk sa iya.
Ginkilala ang biktima kay alyas “Ervy”, 25-anyos kag residente sang Barangay Cabungahan, Maayon Capiz.
Samtang ang ginatudlo naman nga suspek ang ginkilala kay alyas “Toto”, yara sa legal nga pang-edaron kag residente sang Railway Street, Barangay IX, Roxas City.
Sa impormasyon nga nakuha sang Bombo Radyo nagikan sa Roxas City PNP, ginapahayag nga samtang papauli na kuntani ang biktima hinali lamang ini nga gintambangan sang suspek kag ginsinggitan kun anu ang ginatulok sini.
Apang wala niya ini ginsapak kag madasig nga nagpadayon sa paglakat.
Pahayag pa sang biktima nga wala sa gihapon ini gin-untatan sang suspek kag ginsinggitan pa nga pagapatyon.
