Nagpangayo sang pasaylo sa iya sini nga fiancée nga si Jellie Aw ang negosyante nga si Jam Ignacio matapos ang insidente nga pagpangkastigo samtang yara sila sa sulod sang salakyan.
Suno kay Jam, luyag sa gihapon niya nga madayon ang ila kasal.
Dugang pa sini nga wala siya nagapanago sa mga otoridad sa baylo nagahulat lamang sang intsakto nga tion agud magpaguha sang pahayag.
Pagahinulsulan man niya suno diri ang iya nahimo kabangdanan nga nagapangayo ini sang hugot nga pasaylo kay Jellie.
Samtang, wala pa sang sabat, reaksiyon, ukon pahayag ang kampo ni Jellie angut sa nasambit nga isyu.
Matandaan nga sang damlag lang pormal nga nagfile sang reklamo si Jellie sa National Bureau of Investigation (NBI) batuk kay Jam.
Pahayag sang NBI magapreparar na sila sang subpoena batuk sa amu nga negosyante.
