MAMBUSAO, CAPIZ – Ginabulubanta nga nagdangat sa P2.5 million ang kahalitan nga natuga sang pagkasunog sang isa ka arusera sa Barangay Bula, Mambusao, Capiz.
Totally burned ang arusera nga ginapanag-iyahan ni Barbara Asis Leones sang Poblacion Proper, Mambusao, Capiz kag gina-co-managed sang iya anak nga si Mr. Ramonito Villareal.
Ginpahayag ni Edwin Cabuhay 50-anyos caretaker nabugtawan sang iya asawa kaina sang kaaganhon nga nagadaba-daba na ang arusesa sa diin sila naga-estar.
Gilayon siya nga ginpukaw kag nagdalagan sila paguha kaupod ang mga kabataan agud luwason ang ila kaugalingon.
Suno sa caretaker nga sa sulod sang arusera nagsugod ang kalayo sa diin ginapatihan nga electrical short circuit ang ginhalinan sini.
Kalakip sa mga nasunog ang masobra sa 300 ka sako nga bugas, 5mil ka sako nga palay, 60 ka sako nga mais, kagamitan sa paggaling sang bugas kag mais kag personal nga kagamitan sang ila pamilya.
Ginpahayag ni Cabuhay nga buot na kuntani i-deliver sa Bacolod ang masobra sa 300 ka mga bugas, apang dimalas nga nasunog.
