ROXAS CITY – Nagnegatibo na sa red tide toxins ang kalalawran nga sakup sang Pilar kag Presidente Roxas.
Ini ang ginkumpirmar ni Mr. Ronald Roa, Fishery Coordinator sang Pilar sang mainterview aang Bombo Radyo.
Suno kay Roa, sa serye sang meat sample test nga ginpatigayon sang provincial agriculturist negatibo na sa makalamatay nga toxins ang mga panginhason.
Bangud sini, gin-lift na sang LGU-Pilar ang municipal order nga nagamandu sa pagdumili sa pagbakal, pagharvest kag pagkaon sang panginhadon.
Nagakahulugan, sumugod subong nga adlaw magabalik na ang baligyaanay sang panginhason sa banwa sang Pilar makaligad ang 4 ka bulan.
Sa pihak sini, ginasiguro ni Roa nga apisar negatibo na sa red tide magapatigayon sa gyapon sang meat testings ang provincial agriculturist agud wala sang kabuhi ang mabutang sa peligro.
