Indi magpapugong ang Kamara sa anuman nga mga distraction agud mahibaluan ang matuod nga isyu.
Ini ang ginpahayag ni Taguig City Rep. Amparo Maria “Pammy” Zamora, miyembro sang House Blue Ribbon Committee, may kaangtanan sa pagpaguha sang kaakig ni Vice President Sara Duterte kung sa diin gininsulto kag nagpamahog nga pagapatyon si Pangulong Ferdinand “Bongbong” Marcos Jr.
Suno kay Zamora kung matuod nga luyag mag-camp out ni VP Sara sa Kamara, mas maayo nga atubangon sini niya ang mga miyembro sang Blue Ribbon Committee.
Ang desisyon ni Duterte nga mag-apin sa talatapan sang iya utod sa sulod sang Batasan Complex kung sa diin nakapreso ang iya chief-of-staff nga si Zuleika Lopez, nagresulta sang pagbatikos nagikan sa mga mamalidha, kung sa diin wala nagduha-duha nga magpanawagan para sa pagsabat kadungan sang mga gintuga nga ‘eksena’ sang Bise-Presidente.
Kalakip na diri ang ginapahayag nga pagpamahog sa kabuhi batuk kay Pangulong Marcos Jr., First Lady Liza Araneta-Marcos, kag Speaker Ferdinand Martin G. Romualdez, nga nagdala sang pagkahangawa sa mga mamalidha subong man sa publiko.
Ginsiling man ni Zamora ang nakaalarma nga mga pagpamahog, kag ang importansya sang democratic checks and balances.
Ang pagpreso kay Lopez, nagsugod sa ginapahayag iregularidad nga ginakaulamidan nga confidential funds sang Office of the Vice President (OVP).
Ang direktiba sang Kamara nga isaylo si Lopez sa isa ka detention facility sa Mandaluyong, ang ginbalabagan ni Duterte.
Samtang, ginkondina naman ni Zamora ang pagbalabag sang Bise Presidente bilang pagpakita sang kadulaan sang respeto sa awtoridad sang institusyon.
