Ginkuwestyon sang kampo ni Atty. Manases “Mans” Carpio ang pag-otorisa ni President Ferdinand Marcos Jr. sa Bureau of Internal Revenue (BIR) nga ipagwa ang ila income tax records sa Senate Impeachment Court.
Suno sa kampo ni Carpio, dapat anay maagi sa judicial review ang ini nga tikang agud masiguro nga nasunod ang husto nga proseso kag ang mga probisyon sang Konstitusyon kag nagapadayon nga mga layi.
Ginpahayag man nila nga wala sang opisyal nga report ukon assessment halin sa BIR nga nagapakita nga may wala sila nabayaran nga buwis ni Vice President Sara Duterte.
Ginhimo ni Carpio ang pahayag matapos aprubahan ni President Marcos ang hingyo sang impeachment court nga mabuksan ang ila tax records may kaangtanan sa alegasyon sang unexplained wealth batok sa Bise Presidente.
