Gintawag nga ‘fake news’ sang himata sang nagtaliwan nga beterana nga actress nga si Gloria Romero, ang paglapta online sang ginapahayag isa ka milyon nga last will and testament sini.
Suno sa kampo sang actress nga wala sang kamatuuran ang amu nga pahayag kag kinahanglan indi pagpatihan sang publiko.
Ginakabig man ini sang pamilya nga isa ka pagpangbastos sa actress.
Bangud sini, plano sa karun sang himata sang nagtaliwan nga pasakaan sang kaso ang mga indibidwal nga yara sa likod sang pagpalapta sang peke nga impormasyon.
Mahibaluan nga kahapon nga adlaw Enero 29, natigayon nga ma-crematae ang bangkay sang beterana nga actress.
Kaangut sini, nagfile naman sang resolusyon ang actress kag Congressman nga si Lani Mercado-Revilla bilang pagkilala sa actress.
Matandaan nga nagtaliwan ang movie icon sadtong Enero 25 sa edad nga 91-anyos.
