Temporaryo nga gindumilian sang Department of Agriculture (DA) ang pag-import sang live goats nagikan sa United States matapos ma-irekord ang una nga kaso sang Q fever sa pungsod.
Sa idalom sang Memorandum Order 26, ginsuspinder ni Agriculture Secretary Francisco Tiu Laurel ang pag-isyu sang import clearances para sa live goats.
Ginpaathag sini sa memo nga ang tanan sang live goat shipments nga nagabyahe na bag-o ang pag-isyu sang memo amo lang ang pagasugtan nga makasulod sa pungsod nga naka-subject sa quarantine rules.
Matandaan, ang una nga kaso sang Q fever sa mga kasapatan sa pungsod natultulan nga nagikan sa mga kanding nga inimport nagikan sa US.
Ginpahayag man sang DA nga kontrolado na sini ang mga kaso sang Q fever sa pungsod kasunod sang condemnation sa mga apektado nga kanding.
Ang Q fever ang isa ka zoonotic disease nga nagaapekto sa mga kanding, baka, kag karnero.
