-- ADVERTISEMENT --
ROXAS CITY – Gindul-ong na sa katapusan nga palahuwayan ang bangkay ni Barangay Kapitan Frederick “Dikoy” Dullano sang Barangay Tabuc, Pontevedra, Capiz.
Gintambungan ini sang madamo nga pumuluyo, mga opisyales sang iya Barangay kag iban pa nga mga kapitanes sang kabarangayan sa banwa sang Pontevedra kun sa diin halos tanan sa mga ini ang nakasuksok sang duag puti nga panapton.
Nangin emosyonal man ang pamilya kag himata ni Kapitan Dullano sa ila ulihi nga pagpaalam kag padayon ang pagsinggitan sang hustiya.
Matandaan ginluthang-patay ang kapitan sang Hulyo 7 sa guwa mismo sang ila balay kun sa diin tubtob sa karon wala pa nadakpan ang mga suspek.
