Nakalab-ot na sa masobra nga ₱28,200,000 ang kantidad sang bulig nga napanagtag sang Department of Social Welfare and Development (DSWD) sa mga pumuluyo nga apektado sang Bagyo Ramil sa probinsya sang Capiz.
Suno sa datos Department of Social Welfare and Development (DSWD) Regional Office 6, may yara sang 38,957 ka pamilya ukon 222,244 ka indibidwal nga apektado sa 282 ka barangay sa bug-os nga probinsya.
May 668 ka mga puluy-an ang partially damaged kag 51 ka mga puluy-an ang totally damaged.
Samtang, ang syudad sang Roxas ang may pinakadaku nga bulig nga nakuha nga may kantidad nga ₱3.86 milyon, ginsundan sang banwa sang Panay nga may ₱7.27 milyon, kag Sigma nga may ₱5.48 milyon.
Kadam-an sang bulig amo ang food assistance nga nagalab-ot sa ₱25.46 milyon, samtang ₱1.74 milyon naman ang gin-gamit para sa relief transportation, equipment kag fuel (RTEF).
Dugang pa sang natungdan padayon ang ila koordinasyon sa mga lokal nga panguluhan (LGUs) agud madasig nga maabot ang bulig sa mga pumuluyo nga naapektuhan sang bagyo.
Padayon man ang ginahimo nga damage assessment kag validation sang ahensya agud mahibaluan pa ang iban nga kinahanglanon sang mga pamilya nga naapektuhan.
