Padayon nga ginapalong sang masobra 1,000 ka mga bombero ang Gifford Fire nga nag-ibwal sang Biyernes sa Los Padres National Forest sa Solvang, California kun sa diin naglab-ot sa 72,460 ka ektarya ang gintupok sang kalayo kag 3% pa lamang diri ang na-contain sang California Fire department.
Bangud sa malapad nga sunog, apektado na ang mga lugar sa Santa Barbara kag San Luis Obispo counties, kun sa diin ginpatuman na ang mga evacuation orders.
Masobra 460 nga estruktura man ang ginakabalak-an nga masunog.
Magluwas diri, tatlo ka tawo naman ang nareport nga nasakitan kalakip ang isa ka sibilyan nga may burn injuries kag duha ka kontratista nga napilasan sa isa ka aksidente sang utility vehicle.
Bangud sa dakmol sang aso, nagpaguha na sang air quality alert sa Cuyama kag air quality watch sa bug-os nga Santa Barbara County.
Gin-abisuhan ang publiko nga limitahan ang pagtinir sa guha, labi na ang mga may balatian sa puso ukon baga, katigulangan, nagabusong kag mga kabataan.
Kadungan sini, duwa ka bag-o nga wildfire man ang nag-ibwal sabng Lunes. Isa diri ang Rosa Fire sa Riverside County kag Gold Fire sa San Bernardino County.
Tubtob sa karon, nagapadayon ang imbestigasyon agud matumod ang gintunaan sang Gifford Fire.
