Ginreport sang Department of Social Welfare and Development (DSWD) ang pagbulig sang gobyerno sa kabug-usan nga 37,000 ka rebelde nga nagbalik sa sabak sa gobyerno pamaagi sa nagsungka nga mga rebelde sa livelihood program.
Suno kay DSWD Undersecretary Alan Tanjusay, dako nga bahin sang nasambit nga numero ang nagikan sa Moro Islamic Liberation Front (MILF), nga may kabug-usan nga 26,000 combatants.
Masubra 8,000 sa mga ini ang mga rebelde nga kabahin sang Communist Party of the Philippines-New People’s Army.
Sa grupo sang Moro National Liberation Front (MNLF) may yara ini sang 2,000 fighters samtang 1,000 ka miyembro ang nagikan sa Abu Sayyaf.
Suno kay Tanjusay, ang mga anay rebelde ang nahatagan sang tagsa-tagsa ka livelihood samtang ang iban naman ang ginkabug-usan sang mga grupo kag ginhatagan sang dako nga pondo nagikan sa P100,000 tubtob P300,000
Nahimo man suno sang mga ini nga maghimo sang kaugalingon nila nga komuninad kun sa diin ang pila sa ila ang nagabaligya sang mga used clothing (ukay-ukay), mga utanon, prutas, kag iban pa.
Ang iban sa ila ang nagabiyahe kag nagabaligya sang mga isda, kag nagbalay-balay.
Suno pa sa opisyal, 78% sa mga ini ang padayon na nga naga-progreso sa ila gin-umpisahan nga livelihood program.
Luyag man sang mga ini nga mag-angkon sang maayos nga kabuhi kadungan sang ila nga pagbalik sa sabak sang gobyerno kag diri sila ginhatagan pagtamod sang gobyerno.
