ROXAS CITY – Ipatawag ni Brgy. VIII Punong Barangay Castor Holce Bialen ang mga malapit sa area sang ginkawatan nga Jewelry Shop sa Roxas Avenue, Roxas City.
Sa interview sang Bombo Radyo News Team kay PB Bialen, nagapati siya nga yara lang sa amu nga lugar ang may kahimuan sang pagpangawat rason nga pagaimbestigaran sini ang kutob malapit sa lugar sang amu nga balaligyaan sang alahas.
Dugang pa sini nga iya man ipatawag ang mga parking boy ilabi na ang nagtambay dapit sa Jewelry Shop nga ginapahayag ginsita kag gintutukan sang kutsilyo sang isa ka persona mismo sa adlaw nga ginkawatan ang amu nga shop.
Mahibaluan nga nataban sang kawatan sa amu nga shop ang mga alahas kasubong sang kulintas, mga relo nga silver nga ginabanta 20 ka bilog nga nagabalor tanan sang kapin P40, 000.
Sa karon, padayon pa ang imbestigasyon sang mga kapulisan angut sa nasambit nga insidente.
