ROXAS CITY – Ginkadismaya ni Punong Barangay Einstein Okpora ang pagka-utod sang linya sang kuryente kag tubig sa ila barangay hall sa Barangay Inzo Arnaldo, Roxas City.
Suno kay Okpora, matapos siya nasuspinde sang duha ka bulan bangud sang kaso-administratibo, nakibot ini sa iya pagbalik nga gin-utdan sila sang Capiz Electric Cooperative (CAPELCO) kag Metro Roxas Water District (MRWD).
Ginpahayag sini nga antes paman ang iya suspensiyon, may yara na sang wala mabaydan nga bill sa kuryente kag tubig humalin Enero tubtob Marso kag wala ini mahitsu bangud wala sila sang barangay treasurer sang sadto nga tion bangud nag-resign.
Matandaan nga sadtong Marso, temporaryo nga gintal-usan si Okpora ni 1st Barangay Kagawad Ervin Sicad.
Bangud diri, dismayado si Okpora bangud sa iya pagkahibalo, may gin-appoint sadto si Sicad nga barangay treasurer apang wala gid sini ginhikot ang iya mga balaydan sa kuryente kag tubig.
