Kapitan sang Brgy Aglupacan, missing

ROXAS CITY – Nagpadulong sa Tapaz MPS ang himata ni Punong Barangay Wennie Bluma Dimas, 29-anyos sang Barangay Aglupacan, Tapaz Capiz matapos ginapahayag wala makapauli sa ila balay humalin sang Setyembre 13.

Sandig sa ginpabalhag ni Cheryl Dimas Excel, katapusan nga nakit-an si Dimas takna 1:00 sang hapon, Miyerkules nga adlaw Setyembre 13 sa Barangay Sinunod, sang nasambit nga banwa.

Apang tubtob sa karon wala pa sa gihapon makapauli si Dimas kag indi na ma-contact.

Sa dugang pa nga impormasyon nagikan sa pamilya ni Dimas, na rekober ang mga ID kag importante nga dokumento sang kapitan sa kilid sang suba sa Barangay Garcia, Capiz.

Sa karon, nagapadayon ang pagpangita kay Dimas samtang nagpatigayon naman sang imbestigasyon ang kapulisan sa nasambit nga insidente.

Sa nakakita ukon nakahibalo kun sa diin si Kapitan Dimas , makig-angut lang sa Tapaz PNP.