ROXAS CITY – Dako ang gin-nubo sang napagkit nga kaso sang insidente sang sunog sa probinsiya sang Capiz sa subong nga tuig.
Ini ang ginpahayag ni Chief Inspector Christopher Regencia, ang Acting Provincial Fire Marshall sang Bureau of Fire Protection (BFP) Capiz sang mainterview sang Bombo Radyo.
Suno diri nga 30 porsyento ang ginubo sang mga insidente sang sunog nga narekord subong nga tuig kun ikomparar sang tuig 2019.
Nagalab-ot sa 98 ka insidente sang sunog ang narekord sang nakaligad nga tuig samtang 65 lamang ang napagkit sa subong nga tuig.
Sa pangkabug-usan nga kahalitan, narekord ang 7.8 milyones pesos nga total damage sang tuig 2019 samtang 6.1 milyones pesos naman ang napagkit subong nga tuig 2020.
Kadamuan sa narekord nga insidente sang sunog amo ang sa residential, ginasundan sang grassfire kag vehicle fire incidents.
Masami naman nga ginatunaan sang sunog amo ang pigado nga electrical connections.
