ROXAS CITY – Isa na ang patay sa 47 ka mga kaso ng measles o tigdas sa lalawigan ng Capiz.
Ba-se sa rekord sang Provincial Health Office -Capiz Epidemiological Surveillance and Response Unit (CESRU) sa nasambit nga numero, pinakamadamo nga kaso sang tipdas ang na-rekord sa Roxas City nga may napuli, tag lima sa banwa sang Pilar, Pontevedra kag Sapian, apat sa Mambusao, tag tatlo sa Dumarao kag Panay, tag duha sa Dao, Ivisan, Jamindan, Pontevedra kag Tapaz kag tag isa sa banwa sang Sigma kag President Roxas.
Suno kay Mr. Joeffrey Espiritu, development management officer IV sang Department of Health ukon DOH-Capiz, kadam-an sa mga nabalatian sang tipdas ang makabig yara sa most vulnerable group kasubong sang mga bata nga may edad nga lima ka tuig panubo kag mga senior citizens.
Bangud diri mas ginpasangkad pa sang ahensiya ang ila nga kampanya batuk sa tipdas, para indi na magtaas pa ang numero sang mga apektado sang nasambit nga sakit.
Padayon man ang health education campaign sa mga barangay sa Capiz, para maintindihan sang mga iloy ang importansiya kag benepisyo nga makuha sa pagpabakuna batuk sa tipdas.
