Gindumdum sang isa sa mga miyembro sang F4 kag co-star sang “Meteor Garden” nga si Taiwanese singer-actor Ken Chu ang nagtaliwan nga si Barbie Hsu ukon mas kilala sa iconic role nga “Shan Cai.”
Pinaagi sa iya Instagram stories, nagpakigbahin si Ken sang isa ka plain black photo nga tanda sang iya pagpangasubo sa pagtaliwan sang co-star.
Sunod naman nga ginflex sini ang throwback photo nila nga lima kaupod ang iban pa nga miyembro sang F4 amu sanday Jerry Yan (Dao Ming Xi), Vic Zhou (Hua Ze Lei), kag Vanness Wu (Mei Zuo).
Matandaan nga si Ken Chu ang nagtindog bilang Xi Men.
Mahibaluan nga ginkakibot sang “Meteor Garden” fans ang pahayag nga pagtaliwan sang aktres, kung sa diin ginkumpirmar sa media sang manghod nga utod ni Barbie nga si Dee Hsu, Taiwanese TV host.
Suno diri ang rason sang pagkamatay sang aktres, amu ang kumplikasyon dala sang “influenza-related pneumonia.”
Sa pagtaliwan ni Barbie, nabilin nga nagakasubo ang mister sini nga si South Korean singer nga si DJ Koo Jun-yup, kag duha ka mga kabataan nga naga-edad 10 ka tuig kag 8 ka tuig nagikan sa
ex-husband nga si Wang Xiaofei.
Samtang, gindumdum naman sang mga avid fan sang Meteor Garden ang phenomenal nga pagtindog ni Barbie bilang Shan Cai kung sa diin nagtatak indi lamang sa mga Pinoy kundi sa iban pa nga bahin sang pungsod, kag sa pagkamatuod nag-angkon ini sang nagkalain-lain nga bersyon bangud sa hit sini.
