-- ADVERTISEMENT --
ROXAS CITY, CAPIZ- Gin-suspend ni Roxas City Mayor Atty. Ronnie Dadivas ang trabaho kag klase sa syudad bwas Setyembre 26, bangud sa Bagyo Opong.
Suno kay Dadivas, bangud sa malain nga panahon, nagpagwa ini sang Executive Order nga nagamando sa tanan nga government offices sa Roxas City nga indi magbalik sa ila trabaho.
Ginpasalig sang alkalde nga nakahanda ang Roxas City Government kaupod ang Emergency Responders nga magbulig gilayon sa mga pumuluyo nga maapektuhan sang bagyo.
Ginpahanumdum man sini ang mga pumuluyo, nga magpabilin nga mag-aligmat.
