Komedyante nga Ate Gay, nagpaidalum na sa immunotherapy para sa iya nga cancer

Nagpaidalom na ang komedyante nga si Ate Gay sa immunotherapy para sa iya kanser.

Sa iya social media account, nag-share ini sang litrato samtang yara sa Asian Hospital and Medical Center sa Muntinlupa City.

Suno sa iya, ini na ang ikaduha niya nga adlaw nga magapaidalom sa immunotherapy.

Nagapasalamat siya bangod may mga abyan siya nga nagbulig sa iya sa pag-atubang sa pagbulong.

Nahibaluan nga kada 21 ka adlaw, magapaidalom siya sa immunotherapy sa sulod sang 12 ka sesyon.

Nagapasalamat ini sa mga nagpadala sang pangamuyo para sa iya madasig nga pag-ayo.