ROXAS CITY – Indi pa sa karon mapat-od sang konseho sang Barangay Tiza, Roxas City kun sa diin paano nalatnan sang coronavirus disease (COVID-19) ang napatay nga senior citizen sa amo nga lugar.
Ini ang ginpahayag ni Romela Julian sang Barangay Health Emergency Response Team (BHERT) sang mainterview sang Bombo Radyo.
Suno kay Julian nga base sa ila pagpangusisa, wala gid nagaguwa sa ila nga balay ang 67 anyos nga tigulang kag wala man sang close-contact sa isa ka COVID-19 positive.
Napatay ini samtang ginabulong sa Roxas Memorial Provincial Hospital.
Gilayon naman nga igapaidalom sa swab test ang bata sang amo nga biktima bangud ini gid lamang ang isa nga kaupod sa balay.
Mahibaluan nga nakapagkit na sang 2 ka mga kaso sang COVID-19 ang Barangay Tiza kun sa diin 1 diri ang napatay.
