Ginkumpirma sang punong barangay sang Barangay Putian, Cuartero, Capiz nga nagkuha sang permit para sa ginaalegar pagpatindog sang resort ang mag-asawa nga Reynaldo kag Nimfa Saliguma nga amo karon ang ginhalinan sang kontrobersiyal nga buho nga ginpakutkot.
Ginpahayag ni Kapitan Nes Fuyunan nga ginhatagan sini sang permit ang mag-asawa sa pagpati nga makabulig ini agud mapasanyog ang turismo sa ila lugar.
Apang nagreklamo ang mga residente sa lugar nga natublag na sa kagahud nga natuga sang pagkutkot sang buho sa diin nagagamit ang mga tinawo sang mag-asawa nga Saliguma sang jack hammer.
Ginpasalamatan man sang punong barangay ang mga residente bangud nangin alerto sila kag nangin aware sa nagakahinabo sa ila palibot.
Samtang gintugyan na sang opisyal sa natungdan nga ahensiya sang gobyerno ang nasambit nga isyu.
