Nagsaka na sa anom (6) ang kumpirmado nga napatay bangud sa balatian nga Dengue.
Duha sa mga ini ang nagikan sa Roxas City kag tig-isa sa banwa sang Dao, Dumarao, Panitan, kag Pontevedra.
Base sa Provincial Dengue Case Bulletin nga gin-release sang Provincial Health Office (PHO), naglab-ot na sa 2,596 ang nalista nga kaso sang dengue sa probinsya sumugod Enero 1 tubtob Setyembre 7, 2024.
Ini matapos nga nadugangan sang 192 ka panibag-o nga kaso nga nabalhag sang Setyembre 1 tubtob 7, 2024 ukon sa sulod lamang sang isa ka semana.
Samtang, halin sa 154, nagnubo sa 133 ang numero sang mga barangay nga may clustering sang nasambit nga balatian nga una naman nga ginkalipay sang Capiz PHO apang kabaliskaran naman sa naguwa nga datos sa karon kun sa diin 192 ka panibag-o nga kaso ang narekord.
