Ginpakigbahin sang isa ka propesor ang mga opportunidad kag career nga mahatag sa pagkuha sang kurso nga Agriculture.
Sa interview sang Bombo Radyo kay Dr. Eden Alam, Associate Professor III sang Capiz State University-Pontevedra Campus, iya ginpahayag nga ang kurso nga Agriculture ang isa sa mga kinahanglan sang pagtamod para madugangan ang mga masunod nga mga mangunguma sang probinsya.
Suno kay Alam, lakip sa mga opportunidad kag career nga pwede mahatag sang agriculture amo ang mangin agronomist, agricultural engineering, farm managers, crop consultant, agricultural economist,livestock manager, agricultural extension officer, agricultural sales representative, food scientist, precision agriculture specialist, agricultural biotechnologist, soil scientist, agricultural educators kag agricultural researchers.
Pahayag pa niya, ang pagpanamum indi lang basta pagtanum ukon pagbutang sang abono, ini ang may yara sang proseso nga ginasunod agud masiguro ang madamu nga ani sang mga produkto.
Dugang pa sang natungdan, ang kurso nga Agriculture indi lamang isa ka personal nga desisyon kundi isa man ka kontribusyon sa pagpadayon kag pag-uswag sang sektor sang agrikultura sa pungsod.
