ROXAS CITY – Nagbukas na ang labing una nga National Police Clearance Online System extension sa Western Visayas nga nahamtang sa isa ka mall sa may bahin sang Pueblo de Panay, Barangay Lawaan, sining syudad.
Sa interview sang Bombo Radyo kay Police Lieutenant Colonel Francisco Paguia, hepe sang Roxas City Police Station, ginpahayag sini nga dako ini nga bulig sa mga Capizeños bangud komportable ang lugar kag samtang nagahulat mahimo pa nga makahimo sang iban nga aktibidad sa sulod sang mall.
Suno kay Paguia, kadungan sa pagbukas sang amu nga extension gilayon man ini nga ginbuksan sa publiko.
Mahibaluan nga mahimo lamang nga makakuha sang National Police Clearance kada Lunes tubtob Biyernes nga adlaw oras sa pagbukas kag pagsarado sang amu nga mall.
