Plano ni Senate President Pro Tempore Panfilo “Ping” Lacson nga ipaatubang sa isa ka hearing si anay Ako-Bicol Party-list Representative Zaldy Co, anay staff sini nga si Orly Guteza, kag ang pila ka mga ex-marines may kaangtanan sa alegasyon sang anomaliya sa flood control funds.
Katuyuan sini nga matumod kun sin-o ang nagasiling sang matuod sa tunga sang mga wala nagasantu nga testimonya.
Suno kay Lacson, posible nga magpangayo pa siya sang pahanugot sa korte para maka-testigo si Co, nga sa subong nadakpan sa Czech Republic kag mahimo nga ma-deport pabalik sa Pilipinas.
Pahayag sang senador, importante ang mangin testimonya ni Co bangud amo ini ang ginatudlo umano “architect” sang ginaalegar maanomaliya nga insertions kag allocation sang pondo sa Department of Public Works and Highways (DPWH).
Samtang, ginpa-untat anay ang imbestigasyon ng Blue Ribbon Committee samtang ginahulat ang pirma sang mga miyembro sa committee report.
