Ginpatilaw sang Los Angeles Lakers sang 2-pt loss sa Golden State Warriors sa panibag-o nga banggaan sa tunga sang duha ka superstar nga sanday Lebron James kag Stephen Curry.
Mahibaluan nga nalusutan sang Lakers ang liwat nga clutch performance nga ginpakita sang 3-pt king nga si Curry pinaagi sa isa ka final layup nagikan kay Austin Reaves sa katapusan nga isa ka segundo sang hampang.
Sa kadalag-an sang Lakers, 31 points kag 10 assists ang ginhimo sang superstar nga si Lebron James samtang panibag-o nga triple-double naman ang ginhimo sang bagito nga si Reaves – 26 points, 10 rebs, 10 assists.
Apisar nga napiyerdi ang Warriors, liwat nga ginpamatud-an ni Curry ang pagiging 3-pt king pinaagi sang 38 points, kalakip na ang back-to-back 3 sa katapusan nga 20 segundos sang hampang.
Panibag-o naman nga double-double ang ginhimo ni Warriors forward Andrew Wiggins – 21 pts, 11 rebs.
Sa overall shooting, abanse ang GSW apang wala nila nahimo nga labawan ang free throws sang Lakers bangud nahimo sang LAL nga mapasulod ang 18 free throw nagikan sa 18 attempt ukon kabaylo sang 100%.
