-- ADVERTISEMENT --
Arestado ang isa ka lalaki, matapos nga nagmaoy sa Barangay Poblacion Ilawod, Dao Capiz.
Ang arestado amo si alyas “Jesus”, 24-anyos kag residente sang Barangay Balucuan, sa amo nga banwa.
Sa impormasyon nga nakuha sang Bombo Radyo nagikan sa Dao Municipal Police Station, iya ginapahayag nga nagasinggitan ini si Jesus sa ila lugar, samtang ginapatihan ini nga yara sa impluwensiya sang makahulubog nga ilimnon.
Gilayon naman nga nagpadulong ang mga kapulisan kag gindakop ini.
Sa subong, yara na ini sa kustodiya sang Dao Municipal Police Station para sa nagakaigo nga disposisyon.
-- ADVERTISEMENT --
Reported By: Bombo Jessa Mae De Los Santos
