DUMARAO, CAPIZ – Arestado ang isa ka lalaki matapos makuhaan sang indi lisensyado nga armas-luthang kag nakuhaan sang iligal nga droga sa gin-implement nga Search Warrant sang kapulisan sa Sitio Tacay, Barangay Astorga, Dumarao, Capiz.
Ang wala na ginhingadlan nga persona ang residente man sa nasambit nga lugar.
Nakuha sa paghinakop sini ang isa (1) ka loaded nga homemade 12-gauge pistolized shotgun nga may anum ka live ammunition kag one fragmentation hand grenade.
Dugang nga nakuha sa suspek ang 14 ka sachet sang ginapatihan nga shabu.
Magapangatubang ang suspek sang kaso nga paglapas sa R.A 10591 ukon “Comprehensive Law on Firearms and Ammunitions Regulation Act” kag R.A. 9165 ukon “Comprehensive Dangerous Drugs Act of 2002”.
Sa karon yara na sa kustodiya sang Dumarao PNP ang suspek para sa nagakaigo nga disposisyon.
