-- ADVERTISEMENT --
Arestado ang isa ka lalaki matapos makuhaan sang smuggled nga sigarilyo sa Barangay Intungcan, Pontevedra, Capiz.
Ang arestado amo si alyas “Abelardo,” residente sang amo nga lugar.
Sa interview sang Bombo Radyo kay Police Captain Semdan Sitchon, Chief sang Capiz Maritime Police, iya ginpahayag nga nakuha sa paghinakop sang arestado ang malapit 100 ka mga reams sang smuggled nga sigarilyo nga ginabanta nagabalor sang 167,551.00.
Suno kay Sitchon, madugay na nga ginamonitor ang arestado antes natigayon ang operasyon.
Sa subong, preso na ini sa Pontevedra Municipal Police Station kag magapangatubang sa kaso nga paglapas sa Section 10 sang Republic Act 10643 ukon Graphic and Health Warnings Law, kag Republic Act 8424 ukon Tax Reform Act.
-- ADVERTISEMENT --
