Barangay officials sang Barangay Tiza, Roxas City, nakigsapol sa project engineer nga nagadumala sang drainage project kasunod sang pagrumpag sang pader sang isa ka establishment

Nakigsapol ang mga Barangay officials sang Barangay Tiza, Roxas City sa project engineer nga nagadumala sang drainage project sa amo nga lugar kasunod sang pagnarumpag sang pader sang isa ka establishment.

Sa interview sang Bombo Radyo kay Barangay Kagawad Jessie Salgado, iya ginpahayag nga naka-istorya na sila sang engineer sang proyekto kag ginpasalig ang pagkaayo sang narumpag nga pader.

Nagpasalamat man natungdan kay Roxas City Mayor Ronnie Dadivas sa pagbulig agud masolusyunan ang problema nga nadangatan sang establishment.

Nahibaluan nga may ginapatukod nga drainage system sa Barangay Tiza agud mahagan-hagan ang pagbaha sa amo nga lugar.