-- ADVERTISEMENT --
Wala sang pagbag-o sa presyo sang mga kakanin nga ginabaligya sa Teodoro Arceñas Trade Center sa Roxas City sa tion sang selebrasyon sang Undas.
Sa interview sang Bombo Radyo kay Panoy Alba, manugbaligya sang kakanin sa nasambit nga merkado, iya ginpahayag apisar sang padayon nga pagsaka sa presyon sang gatong madamo sa gihapon ang nagabakal bangud wala pagtaas ang presyo sang ila mga produkto.
Suno kay Alba, nagapabilin sa gihapon ang presyo sang nagkalain-lain nga kakanin nga ila ginabaligya.
Yari ang presyo sang pila sa mga kakanin:
- Inday-inday – ₱5 kada isa
- Puto maya – ₱10
- Biko – ₱10
- Baye-baye – ₱10
- Ibus sa lukay – ₱50 kada bugkos
- Maja blanca – ₱10
- Fresh lumpia – ₱50
- Padalusdos – ₱10
- Ibus – ₱10 kada piraso
- Inday-inday sa tub – ₱30
- Sapin-sapin – ₱40
- Betcho-betcho (daku) – ₱15 kada piraso
- Betcho-betcho (gamay) – 3 ka piraso sa ₱25
- Pilit puso – ₱25 kada piraso
- Kutsinta – ₱30
