-- ADVERTISEMENT --
Arestado ang isa ka lalaki matapos nga makuhaan sang iligal nga armas luthang kag mga bala sa banwa sang Dumarao, Capiz.
Sa impormasyon nga nakuha sang Bombo Radyo nagikan sa Dumarao Municipal Police Station, ginpahayag nga narekober sa amo nga lalaki ang isa ka .45 caliber pistol, duha ka magazine, kag 11 ka mga bala.
Nahibaluan nga ini ang bunga sang ginpasangkad nga kampanya sang mga kapulisan nga Tokhang Kontra Armas-Luthang (TKAL).
Nagapangatubang sa kaso nga paglapas sa Republic Act 10591 ukon ‘Comprehensive Firearms and Ammunition Regulation Act.
Sa subong, yara na sa paghinakop sang Dumarao Municipal Police Station ang akusado para sa nagakaigo nga disposisyon.
