Lalaki, arestado sa entrapment operation sang mga katapo sang CIDG sa banwa sang President Roxas

ROXAS CITY – Karsel ang gintup-an sang isa ka lalaki matapos nga madinalag-on nga nadakpan sa ginpatigayon nga entrapment operation sang mga katapo sang Criminal Investigation and Detection Group (CIDG) – Capiz, sa plaza sang Poblacion, President Roxas, Capiz.

Ginkilala ang arestado kay Antonio Terado, Jr., kag residente sang nasambit nga barangay.

Nakuha sa kontrol kag posesyon ni Terado ang 1 ka unit sang KG-9 nga may yara sang 2 ka mga magazine kag 9 ka mga bala, 1 ka unit sang .45 calibre nga armas nga may magazine, 1 ka unit sang smartphone, sako kag P74,000 nga kwarta kun sa diin P100 lang diri ang marked money.

Sa karon, yara na ini sa kustodiya sang CIDG-Capiz, para sa pagpasaka sang nagakaigo nga panumbungon kag sa iya disposisyon.