CUARTERO, CAPIZ- Arestado ang isa ka lalaki sa ginpatigayon nga buy-bust operation sa Barangay Nagba, Cuartero, Capiz kahapon nga adlaw.
Ang subject person ang ginkilala kay alyas ‘Wewe’ 37 years old kag tumandok sang Brgy. Mapulang Bato, Dao, Capiz.
Sa interview sang Bombo Radyo kay Police Captain Jessie Lepaña,hepe sang Cuartero Municipal Police Station, iya ginpahayag nga nakakuha sang duwa ka sachet ang pusher buyer ang kapulisan kag nakakuha naman sa paghinakop sang nasambit nga persona ang tatlo pa ka sachet sang ginadumilian nga druga nga naga balor malapit P13,600.
Suno pa kay Lepaña, magpangatubang sang kaso ang arestado sang pag lapas sa Republic Act 9165 (Comprehensive Dangerous Drugs Act of 2002).
Dugang pa sang natungdan, padayon nga nagamonitor ang kapulisan sa mga yara sa watchlist sang talatapan agud matapna ang paglapta sang iligal nga druga sa banwa.
Interviewed by Bombo Jessa Mae De Los Santos
