Arestado ang isa ka lalaki sa ginpatigayon nga drug buybust operation sa Brgy. Punta Tabuc, Roxas City.
Ang arestado amo si alias Jun, 46-anyos, isa ka electrician kag residente sang nasambit nga lugar.
Sa interview sang Bombo Radyo kay Police Lieutenant Colonel Rogelio Tomagtang Jr, Officer in-charge sang Roxas Component City Police Station, iya ginpahayag nga madugay na nga gina-monitor ang arestado antes natigayon ang operasyon.
Suno kay Tomagtang, narekober sa arestado ang ginapatihan suspected shabu nga may kabug-aton nga isa ka gramo kag may standard drug price nga P6,800.
Sa subong yara na ini sa kostudiya sang Roxas Component City Police Station kag magapangatubang sa kaso nga paglapas sang R.A 9165, ukon Comprehensive Dangerous Drugs act of 2002.
