-- ADVERTISEMENT --
Arestado ang isa ka lalaki sa Fowler, New York matapos nagpamahog nga sunugon sini ang polling site samtang nagapadayon ang 2024 US Presidential Election.
Suno sa news release sang New York State Police, nag-abot ang lalaki pasado alas sais sang aga kag gusto nga makaboto.
Bangud convicted ini sa felony, ginpaathag sa iya nga indi siya pwede makaboto ilabi na bangud wala siya nakaparehistro liwat matapos nakaguwa sa presuhan.
Nagpangakig ini kag didto na nagpamahog nga sunugon ang lugar ukon magbalik nga may dala nga armas.
Nalagyo ini sang ulihi apang nadakpan sang state police, gindala sa estasyon, kag mahimo pasakaan sang kaso.
-- ADVERTISEMENT --
