Isa ka 27-anyos nga lalaki nga si Rogers Olu Maguta sang Kenya ang ginkilala bilang “Nairobi Birdman” bangod sang iya pinasahi nga dedikasyon sa pag-atipan sa mga ilahas nga pispis kag napilasan.
Masami siya makita nga may mga pispis sa iya ulo kag abaga samtang nagalakat sa dalan, kag gihatagan niya sang tion sa pag-atipan tubtob nga magbalik ang kusog sang mga pispis.
Ang iya gugma sa mga pispis nagsugod sang bata pa siya, sa diin masami siya nagabisita sa Lake Nakuru National Park agud magtan-aw sang nagkalainlain nga sahi sang mga pispis.
Lima ka tuig na ang nakaligad, nagbag-o ang iya kabuhi sang may nagkadto sa iya nga pilason nga pispis, gin-atipan niya ini kag ginhingadlan nga “Johnson,” nga nangin umpisa sang iya pag-atipan sa madamo pa nga mga pispis.
Apisar nga wala sang puluy-an kag sang una nangin target sang mga pulis, padayon ini nga nagahatag inspirasyon sa madamo bangud sang iya pagpalangga sa mga pispis kag sa palibot.
