Isa ka lalaki gikan sa Hungary ang nagbutang sang bag-o nga Guinness World Record sang nakabisita ini sa 7 ka pungsod samtang nagabisikleta kag sa sulod lang sang 24 oras.
Suno kay David Kovari, nagplano man ini sang pila ka semana agud mahibaluan ang pinakamaayo nga ruta agud makabisita siya sa Poland, Czech Republic, Slovakia, Austria, Hungary, Slovenia kag Croatia sa isa lang ka biyahe sakay sa iya bisikleta.
Ang iya gameplan amo ang magpabilin sa mga dalan nga yara sa maayo nga kahimtangan kag likawan ang trapiko kag mga mayor nga dalan. Ginsiguro man niya nga indi mag-agi sa matag-as nga mga dalan agud indi maubusan sang ginhawa.
Ginkumpirmar sang Guinness nga nakahimo sang bag-o nga record ang Kovari sa pinakamadamo nga pungsod nga nabisitahan sa sulod sang 24 oras samtang nagabisikleta. Ang nauna nga record ang narekord sang German cyclist nga si Michael Moll nga nakabisita sa anum ka pungsod.
