ROXAS CITY – Dakop ang ginakabig SLI nga persona, matapos ang ginpatigayon nga buy-bust operation sa Barangay Bato-Bato, Mambusao, Capiz.
Ginkilala ang nadakpan kay Remuel Leonor, 59-anyos laborer kag residente sang nasambit nga lugar.
Sa impormasyon nga nakuha sang Bombo Radyo sa Mambusao Municipal Police Staion, natigayon nga madakpan si Leonor pinaagi sa nagpakuno-kuno nga pulis bilang poseur buyer kag pinaagi sa gintingub nga pwersa sang Capiz-PPDEU, Cluster SDET sang Mambusao MPS, Sapian MPS, Sigma MPS kag Philippine Drug Enforcement Agency (PDEA), Regional Office 6.
Nakuha sa paghinakop sini ang 4 sachets sang ginapatihan shabu nga may kabug-aton 4 gramos kag may Standard Drug Price nga P27,200.00, P200.00 nga buy-bust money, P 2,300.00) paper bill sa nagkalain-lain nga denominasyon, 1 small pouch nagaduag itom.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nasambit nga nadakpan.
Sa karun, yara na sa paghinakop sang Mambusao MPS ang nadakpan para sa nagakaigo nga disposisyon.
