ROXAS CITY – Yara na sa kustodiya sang Roxas City Police Station ang isa ka lalaki nga ginatudlo nagabugaw sa mga menor de edad sa Arellano KTV Bar sa Arellano Street, Roxas City.
Sa ginpatigayon nga operasyon sang mga kapulisan kaupod sa City Social Welfare and Development Office kag City Councilor Moreno Gonzaga, nadakpan si Gester Ledesma kaupod ang isa pa ka floor manager sang nasambit nga KTV Bar.
Mismo ang biktima nga si alyas Che-Che ang nagtudlo kay Ledesma nga amo ang alegar nagabugaw sa iya.
Samtang magluwas kay Che-Che yara naman sa paghinakop sang CSWDO ang duha pa ka mga menor de edad nga narescue man sang mga kapulisan sa KTV Bar.
Samtang natukiban man nga wala sang business permit ang nasambit nga KTV bar rasun nga ginpasirado na lamang ini sang mga otoridad.
