-- ADVERTISEMENT --
ROXAS CITY – Nakapauli na sa ila panimalay ang lalaki nga ginreport missing matapos nga wala makaabot sa ila gikan sa Manila sang Hunyo 26.
Matandaan nga dapat Hunyo 27, makapauli na sa banwa sang Maayon si Glenn Arguillon apang wala ini naka-abot kabangdanan sang panawagan sang mga himata sini sa social media sang bulig agud madasig nga makit-an si Glenn.
Sa pagpakig-angut sang Bombo Radyo kay Jona Arguillon, utod ni Glenn, nakit-an ini sa Sebaste, Antique sang Hulyo 10.
Ba-se sa panaysayon ni Jona, nagpanglakaton sa katalunan kag kabukiran si Glenn tubtob nakalab-ot sa probinsya sang Antique.
Sa karon, natigayon nga makapauli sa ila puluy-an si Glenn pinaagi sa bulig sang alkalde sang amu nga banwa.
