Nag-extend ni US President Donald Trump sang dugang nga 24-oras para sa Iran agud makig-negosyar sa liwat nga pagbukas sang Strait of Hormuz, ukon mag-atubang sang daku nga pag-atake sa ila power plants kag mga tulay.
Suno kay Trump, ang bag-o nga deadline amo ang 12:00 midnight Greenwich Mean Time sa Miyerkules, katumbas sang 8:00 sang aga sa Pilipinas.
Matandaan nga sugod sang Pebrero 28, ginsirado sang Iran ang alagyan sang barko sa Strait of Hormuz, isa ka importante nga ruta para sa langis kag gas sa bug-os nga kalibutan.
Gin-ako ni Trump nga may yara sang “maayo nga tsansa” para sa isa ka kasugtanan, apang gipahayag niya nga ang US handa sa pagguba sang pila ka kritikal nga imprastraktura kon ang isa ka kasugtanan indi matigayon.
Ginpanindugan man niya nga indi dapat pagpadayonon sang Tehran ang paghimo sang mga nuclear weapons. Gintinguhaan man sang US nga magpadala sang mga armas sa Iranian protesters paagi sa Kurdish intermediaries, apang ginpanginwala sang Iraqi Kurdistan ang bisan ano nga amo nga operasyon.
