-- ADVERTISEMENT --
ROXAS CITY – Arestado ang 48-anyos nga lalaki matapos ginserbehan sang mandiamento de aresto sang mga katapo sang kapulisan sa Barangay Apero, Tapaz Capiz.
Ginkilala ang arestado kay Andres Tampi Gambalan, mangunguma kag residente sang Brgy. Supa, Tigbauan, Iloilo.
Nagapangatubang sa kaso nga pagpangawat ukon theft si Gambalan kun sa diin ang warrant of arrest ang gin-isyu kag ginpirmahan ni Hon. Susan Medina Alcantara, Presiding Judge, 15 Municipal Circuit Trial Court, Guimbal, Iloilo napetsahan Agosto 24, 2021.
Ginrekomendar sang korte ang P6,000 nga piyansa para sa temporaryo nga kahilwayan sang arestado.
Sa karon, yara ini nakahunong sa Tapaz MPS para sa nagakaigo nga disposisyon.
