Ginluthang-patay ang isa ka lalaki samtang nagakaon ini sa sulod sang ila balay sa Tondo, Maynila.
Makit-an sa CCTV footage nga nagsulod sa balay ang suspek nga may dala nga armas kag ginpalukpan ang biktima samtang nagakaon sa Aroma compound.
Patay ang 36 anyos samtang nakapalagyo naman ang suspek nga ginaalegar may iban pa nga kaupdanan.
Suno kay Police Major Philipp Ines, spokesperson sang Manila Police District, away sa illegal nga aktibdiad kaangay ang tampering sa tubig, kuryente kag iban pa ang motibo sa krimen.
Sa backtracking nga ginpatigayon sang mga awtoridad, na-locate sang mga pulis ang mga suspek sa Aroma compound man kag gindakop ang isa sa tatlo ka mga suspek.
Kilala naman sang mga pulis ang duha pa ka mga suspek nga gunman kag lookout kag subong padayon na nga ginapangita.
Ginpanginwala naman sang nadakpan nga suspek nga may kahilabtanan siya sa krimen.
